Lijiye aapke liye pesh hai sinh rashifal 2015, jo batayega aap ko aap ke pariwarik jiwana, swasthya , prem w waiwahika, kary kshetra, aarthik sthiti, shiksha aur upay ke bare me. aaiye ab jante ki singh rashi ke jatakon ke liye yeh warsh kaisa rahega.
Yah sal prem prasang mamle mein mila jula rahne wala hai. choonki sal ke pahale bhag men barahawe ghar mein guru ke gochar hone ke karan ho sakta hai ki aap ko apne priyajanon se door jana pade ya ye bhi ho sakta hai ki aap kisi door rahane wale vyakti se prem kar baithe. jo log yuwa hai we log ho sakta hai ki social website ke madhyam se kisi ke sanpark men aa sakate hai aur prem ke bandhan mein bandh sakate hai. ab agar sal ke doosre bhag ki baat kare to wo bhi prem prasang ke liye anukool hi rahega, is samay wiwah ke achchhe yog ban rahe hain.
Pariwarik drashti se yeh saal jyada achchha rahne wala nahi hai, isliye thoda satark rahe. is sal chauthe ghar men shani wirajaman hai tatha doosre ghar mein rahu hai isliye ye ingit karte hai ki aap is samay pariwar ko lekar thodi chinta mein rahenge, aur pariwar ke sadasyon ke sath tal mel bithane men kathinaee ka samana karna pad sakata hai. is samay pariwar ke kuchh logo ke sath aap ka wad wiwad bhi ho sakata hai. isaliye aapako bahut hausale se aur wiwek se kam lena hoga. is samay dusaro ki jyada sune. sal ke doosare bhag men stithiyan achchhi ban rahi hai.
Singh rashi ke jatak sawadhana, swasthya ki drishti se yeh saal jyada sahi nahi hai, isliye aap apane khan pan par wishes dhyan rakhe, bahar ki chizo ke apekshakrit ghar ki bani hui chizen hi khaye. agar ho sake to thoda samay wyayam yog ityadi ke liye awashy nikale. bina wajah apne dimag par jyada jor na dale aur jhagade aadi se bach kar rahe, anyatha in sab baton ka aapke swasthya par ulta asar padega. is sal aap ko yatra ityadi men bhi wishes dhyan rakhna hai, wahan chalate samay yatayat ke niyamo ka palan kare, wahan ko sawadhani se chalaye, ho sake to anawashyak yatra se jitna ho sake utana bache.
| Graha | Bhav |
|---|---|
| Shani | Chauthe |
| Rahu | Dusare |
| Ketu | Dwadash |
Karya ke hisab se yeh saal bahut jyada achchha siddh hone wala nahi hai, kyon ki sal ke pehle ghar mein guru ka gochar anukool nahin hai aur shani ki nazar poore sal aapake karm sthan par rahegi atah aapka kya huaa kam sabaki nazron mein nahin aa payega, aapako aawashyakata se adhik kary karana padega fir bhi aap mehsoos karenge ki aap apne kary ko anjaam tak pahuchane men safal nahin ho pa rahi hai. ho sakata hai ki aap ke sath ke log jo aapake sath aap ke kam ke sath jude huye hai wo aapake kam men rukawat dale. halanki warsh ke doosare bhag men aapaki pojishan kafi majaboot hogi aur aapko padonnati bhi mil sakati hai.
Is sal aap ko koee bhi aarthik len den bahut soch samajh kar aur bahut sawadhani se karana padega. choonki doosare ghar men rahu aur shani ki dhaiyya hai isaliye kuchh kharche achanak se aa sakate hai jo aapaki lambi awadhi ki planing ko bigad sakate hai isaliye aap abhi se kuchh dhan jod kar chale. sal ke doosare bhag men sthitiyan kuchh behatar hongi parantu aap us samay bhi wiwek se kam le aur anawashyak kharcho se bache, waise aapako gujare layak dhan milate rahega fir bhi sawadhani jaroor rakhe.
Shaikshik mamalo men yah warsh mila jula fal dene wala rahega. sal ka pahala bhag un logo ke liye bahut achchha rahega jo widesh jakar ya door rahakar padhaee karane ki soch rahe hai. waise shani aapake chaturth ghar men hai jo yah darshata hai ki agar aap mehanat karenge tabhi aapako achchhe parinam milenge ataः aapako mehanat karani padegi tabhi achchhe fal mil payenge. ab agar sal ke doosare bhag ki bat kare to wo prarambhik shiksha lene walon ke liye jyada achchha rahega.
Agar aapake ghar ke pas koee kuaan hai to har shaniwar usame १०० gram doodh dale. apane mathe par kesar ka tilak lagaye. rat ko doodh bilakul na piye.
