Lijiye aapke liye pesh hai kanya rashifal 2015, jo batayega aap ko aap ke pariwarik jiwana, swasthya , prem w waiwahika, kary kshetra, aarthik sthiti, shiksha aur upay ke bare me. aaye ab jante ki kanya rashi ke jatakon ke liye yeh warsh kaisa rahega.
Yeh sal aam taur par prem aur wiwah ke liye acha rahega. aap prem sanbandho men thode pyar se thode vishwas se kam lijiyega, jyada jid karne ya apani bat jabardasti manawane ke chakkar men aapake sambandh kharab ho sakate hain. agar shadi ke yogy hai to wiwah ya sagaee ke yog bhi ban rahe hain. agar aap shadi shuda hai to jaiye kanhi ghoom kar aaiye kyoonki bhraman ke yog bhi ban rahe hain. ketu satawe ghar men wirajaman hai isaliye aap apane jiwan sathi ke swasthay ka poora dhyan rakhe, warsh ke doosare bhag men to aapako aur adhik sawadhan rahane ki jarurat hogi.
Yeh sal aapake liye pariwarik mamale men bahut achchha rahane wala hai. aapake bhaee bandhu aapaki kafi madad karenge chahe wo sharirik ho athawa manasik ya fir dhan se lekar parantu yah tabhi hoga jab aap unase achchhe sambandh banakar chale. aapako apane pita ya pita saman wyakti ka samman karana hai aur unaki bat man kar chalani hai anyatha unake sath matabhed ho sakata hai aur yahi bat ghar ke baki logo ke sath bhi hai kyoonki aisa na karane par unase bhi rishto men khatas aa sakati hai, apane putr athawa putri ki bhi sune. is sal aapake ghar men koee mangalik kary bhi ho sakata hai.
Yeh sal swasthya ki drashti se bahut achchha nahin hai, isaliye aapako apane swasthy ka wishes dhyan rakhna ki aawashyakata hai. aap lagatar apana chek-ap karawate rahe, koee laparawahi na kare. aapako aisa bhi mahasoos ho sakata hai ki aapako koee bimari ho gayi hai jabaki aisa wastawikata men nahin hoga. kahate hai dawa ke sath sath duaa ki bhi jaroorat hoti hai isaliye kisi ki duaa lena na bhoole. rahu ketu ke sath-sath brhaspati ke gochar ke pratikool hone ki wajah se jo log kisi bimari se grast hai unhen sal ke doosare bhag men kuchh pareshani ho sakati hai jabaki sal ka pahala bhag sahi rahega. isaliye aap apane khan pin ka wishesh dhyan rakhe, thoda samay warjisha, yog ityadi ke liye bhi nikale, yakin maniye aapako swasthya ki samasyaai kam aayengi.
| Graha | Bhav |
|---|---|
| Shani | Teesare |
| Rahu | Pahle |
| Ketu | Saptam |
Kanya rashi walo ke liye yah sal kafi achchha rahane wala hai. warsh ke pahale bhag men aap naukari athawa wyawasay men kuchh achchha karane ki koshish karenge, jisame aap safal bhi rahenge tatha naye logo se, naye wyawasay se judane ka mauka milega. agar aap naukari karate hai to aapako koee achchhi khabar bhi mil sakati hai. kuchh agar naya karane ki soch rahe hain to usame safal ho sakate hai, agar aap naukari badalane ki soch rahe hai to usame bhi safalata milane ki poori ummid hai. warsh ke doosare bhag men thoda dhairy aur samajhadari se kam karane ki jarurat hai, us samay kisi se falatu bahas na kare aur apane kam ko man lagakar kare. warsh ke doosare bhag men bahar rahane wale logo se ya wideshiyo se aapake wyawasayik sambandh majaboot honge.
Kanya rashi walo ke liye sal ka pahala bhag aay ke liye kafi achchha rahane wala hai aur is samay aapaki kamaee men ijafa bhi ho sakata hai. lagatar hone wali achchhi kamaee ki wajah se aap kafi dhan arjit karane men safal rahenge. yadi aapane koee karza liya huaa hai to use sal ke pahale bhag men hi nipatane ka prayas kare kyoonki sal ke doosare bhag men ho sakata hai ki aap koee naya kam kare tab aapako kafi dhan ki aawashyakata hogi. yadi aap widesh se jude huye hai to ho sakata hai ki aapako wahan se bhi kamaee ka koee jariya mile.
Yeh sal adhyayan ke mamle mein mila jula asar dalane wala rahega. prarambhik shiksha lene walo ke liye sal ka pahala bhag jyada achchha hai. sal ke doosre bhag men guru aap ke barahawe ghar men rahega atah, uchca shiksha ya vedesh mein jakar shiksha lene ke liye to kafi acha rahega lekin prarambhik shiksha lene walo chhatron ko kafi mehnat karni padegi isliye saal ke shuru se hi achchhi mehanat kare jis se saal ke doosre bhag men koi dikkat na aane paye.
Apne mathe par kesar ka tilak lagaye. char nariyal pani wale har chauthe mahine bahate huye paani mein visarjan kare.
